Imni uficiâl dal Friûl

Incuintri al doman

In alt o fradis, o int di Aquilee, 

devant da la storie, di front dal doman. 

Sin flame che e vîf pes stradis dal mont 

sin non di une Patrie, sin fîs dal Friûl.  

Scolte o Friûl, o tiere di libars,

di lenghis e popui sês cjase di pâs.

Dai secui i paris nus clamin adun

a fâsi lidrîs di un unic destin.

In alt o Friûl, o Patrie mê sante,

di fuarce e sperance si viest la tô int.

Un popul sigûr che al cjamine te lûs

incuintri al doman, incuintri ai siei fîs.

Musiche di  Valter Sivilotti

Peraulis di  Renato Stroili Gurisatti